Саха сиринээҕи УГМС балаҕан ыйын 24 күнүгэр бээтинсэтээҕи күн-дьыл туругун иһитиннэрдэ.
Соҕуруу улуустарга уонна Халымаҕа сөҥүүтэ суох ааһыаҕа. Өрөспүүбүлүкэ атын оройуоннарыгар кыра, сорохторго быстах ардах күүтүллэр. Томпо улууһугар сорох сирдэринэн күүстээх ардах.
Кэбээйи улууһугар сөкүүндэҕэ 15-18 миэтэрэ тиийэ түргэннээх, Анаабыр уонна Булуҥ оройуоннарын кытылынан сөкүүндэҕэ 25 миэтэрэ тиийэ күүстээх тыал түһэрин сэрэтэллэр.
Түүн киин улуустарга 0…+ 5 кыраадыс, ырааһырдаҕына салгын температурата -2…-7 кыраадыска дылы, хотугулуу-арҕаа намыһах сирдэргэ -7…-12° дылы түһүөҕэ.
Күнүс өрөспүүбүлүкэ киин улуустарыгар +4…+9 кыраадыска тиийэ сылыйыаҕа, соҕуруу — +9…+14 кыраадыс, хоту 0…-5 кыраадыс буолуоҕа.
Дьокуускайга сарсыарда уонна күнүс кыра сөҥүү туһүөҕэ, сөкүүндэҕэ 3-8 миэтэрэ тургэннээх хотугулуу-арҕаа тыал түһэр, сөкүүндэҕэ 9-14 миэтэрэ. Түүн салгын температурата +3…+5 кыраадыс, күнүс +8…+10 буолуоҕа.
Тылбааас: Слепцова Саргылана.
