19 От ыйа 19.07
  • 18°
  • $ 87,88
  • 96,1

Дьокуускайга "Азия оҕолоро" оонньуулар ыытыллар эбийиэктэрин бэлэмэ түмүктэнэр

14:01, 14 июня
Текст:
Хаартыска: ЯСИА саайта
Читайте нас на
Яндекс Новости
ЯДВ

«Азия оҕолоро» VIII оонньууларга туттуллар спорт эбийиэктэрин бэлэмэ түмүктэнэр. Билигин оборудование таҥыыта барар. Ол туһунан спорт миниистирин бастакы солбуйааччыта Александр Бугаев брифиҥҥэ эттэ.

«Спорт 24 көрүҥэр күрэхтэһии 16 эбийиэккэ буолар, ол иһигэр Дьокуускай куорат бөдөҥ комплекстарыгар. «Туймаада» стадион, «Дохсун», «Триумф», «Чолбон» уонна да атын спортивнай комплекстар. Хомсомуол болуоссатыгар 3х3 баскетбол уонна «брейкинг» буолар. Национальнай гимназияҕа буулдьанан ытыы, Оҕо дыбарыаһыгар — ГО оонньууга, ХИФУ КФЕН-ҥэ – саахымат. Маны сэргэ Ильменскай уулуссатыгар саҥа элбэх хайысхалаах саалаҕа кыргыттарга волейбол буолар. Ыам ыйын 15 күнүттэн тэриллэри уонна инвентары таҥыы үлэтэ ыытыллар», — диэтэ Александр Бугаев.

Оонньууларга барыта 708 судьуйа үлэлиэҕэ, ол иһигэр кылаабынай судейскай кэллиэгийэҕэ уонна секретариакка — 23 судьуйа. Кэллиэгийэ Дьокуускай куорат №31-дээх оскуолатын кылаабынай информационнай киинигэр баазаланыаҕа.

Оонньуулар кылаабынай судьуйаларынан Казахстаан олимпийскай эрэллэрин анал оскуолатын дириэктэрэ, «Азия оҕолоро» үһүс оонньууларын выпускнига Мерей Акшалов үлэлиэҕэ.

Следите за самым важным и интересным в Telegram-канале и WhatsApp-группе ЯСИА