Мүөттээх ыҥырыаны иитии Саха сирин тыатын хаһаайыстыбатыгар биир инникилээх хайысха буолуон сөп. Үлэ көрдөрүүтэ сылын аайы улаатар, диэн өрөспүүбүлүкэ бырабыыталыстыбатын бэрэссэдээтэлин солбуйааччыта Денис Белозеров эттэ.
«Мүөттээх ыҥырыаны иитиинэн дьарыктаныы – дохуоту киллэриигэ биир кэскиллээх хайысханан буолар диэн сыаналыыбыт. Билигин мүөттээх ыҥырыаны иитиигэ тирэх хаһаайыстыбалары тэрийиигэ күүстээх үлэ барар. Мүөтү 20 туоннаҕа тиийэ хомуйар сыал-сорук туруоруллар. Дьааҥы улууһугар кытта бу хайысхаҕа үлэ саҕаланна», — диэтэ Денис Белозеров.
Кини бэлиэтээбитинэн, 2018 сыл тохсунньу 1 күнүгэр өрөспүүбүлүкэҕэ 250 ыҥырыа дьиэ кэргэнэ баара, биир сылынан ити сыыппара 450 тэҥнэспитэ. Оттон мүөтү хомуйуу 2018 сылга — 3 туонна, билигин 5 туоннаны куоһарбыт.
