19 Кулун тутар 19.03
  • -16°
  • $ 91,98
  • 100,24

Бырабыыталыстыба бөлөҕө Эдьигээн олохтоохторун кытта көрүстэ

16:33, 07 февраля 2023
Текст:
Газета "Якутия"
Читайте нас на
Яндекс Новости
ЯДВ

Эдьигээн национальнай эбэҥки оройуонугар олунньу 6 күнүгэр Бырабыыталыстыба 2022 сыллааҕы отчуота саҕаланна. Делегацияны улуус куратора, үлэ миниистирэ Елена Волкова салайар. Бастакы күн Николай Шемяков бюһугар сибэкки уурдулар, социальнай эбийиэктэргэ сырыттылар, дьону кытта көрүстүлэр.

Кэпсэтиигэ хоту оройуон олохтоохторун долгутар ыйытыылар бэрилиннилэр. Ол иһигэр — түргэн интернет, «Эйгэ» култуура киинин тутуута, медицина көмөтүн хаачыстыбата.

Инновация миниистирин бастакы солбуйааччыта Петр Николаев эппитинэн, интернет Эдьигээҥҥэ икки түһүмэҕинэн киириэхтээх. 2023 сылга манна GPON локальнай ситим тардыллыаҕа, онтон кэлэр сыл саҕаланыыта — түргэн интернет.

«Эйгэ» култуура киинэ тутуллуутун түмүктүүргэ харчы көрүллэрэ этилиннэ. Эбийиэги быйыл киллэрэр сорук турар.

Үлэ миниистирэ Елена Волкова эппитинэн, федеральнай бырагыраамаҕа Эдьигээҥҥэ элбэх хайысхалаах спорт комплексын тутуу киллэриллибит.

Нэһилиэнньэ булт, булка лицензия, медицина кэтээн көрүүтүн оптимизациялааһыҥҥа, ыстырааптарга боппуруостары биэрдилэр. Биэнсийэҕэ тахсыбыт табаһыттарга уонна каюрдарга дьиэ биэриитин боппуруоһа тура сырытта. Бэлиэтэммитинэн, 2023 сылга Эдьигээҥҥэ булчут, стахановец, ССРС Үрдүкү сэбиэтин депутата, быйыл 110 сыла бэлиэтэнэр Николай Шемяков сылынан биллэриллибит.

Следите за самым важным и интересным в Telegram-канале и WhatsApp-группе ЯСИА