19 Тохсунньу 19.01
  • -48°
  • $ 73,82
  • 83,32

Бэрдьигэстээх олохтоохторо сыананы ырыттылар, кыһалҕаларын эттилэр

11:00, 25 августа 2016
Текст:

Бэрдьигэстээххэ атырдьах ыйын 23 күнүгэр «Эниэргийэни харыстааһын уонна хомунаалынай өҥөлөр иһин учуоттуур прибордарын туруоран төлөөһүнү аҕыйатыы» диэн ис хоһоонноох «Төгүрүк остуол» буолла.


Манна «Биир Ньыгыл Россия» баартыйа бэрэссэдээтэлэ Д.А.Медведев уопсастыбаннай приемнайын салайааччыта, СӨ народнай депутата Елена Голомарева, СӨ Сыана бэлиитикэтигэр судаарыстыбаннай кэмитиэтин сыана оҥоруутун экспертэ Светлана Евграфова, СӨ элбэх квартиралааах дьиэлэрин хапытаалынай өрөмүөнүн ыытар фонда салаатын начаалынньыгын солбуйааччы Марат Новиков, СӨ «Эниэргийэ ресурсаларын харыстыыр региональнай агентство» ГБУ техническэй салаатын начаалынньыгын солбуйааччы Марат Кыштымов, улуус баһылыгын бастакы солбуйааччы Юрий Алексеев кыттыылаах «Төгүрүк остуол» буолла.

МФЦ нөҥүө хомунаалынай өҥөнү сбербанк карточкатынан төлүөххэ сөптөөҕүн ыйдылар. Нэһилиэнньэ 70% карточканан туһаммат эбит. Улууска чох 6 %, мас 2,9 %, уот, ититии иһин төлөөһүнүгэр өрөспүүбүлүкэ үрдүнэн улахан араастаһыы суоҕун бэлиэтээтилэр. Өҥөнү ааҕар-суоттуур, көрдөрөр прибор холбонноҕуна, төһө туһаммыккынан төлүүрүҥ табыгастаах.

Ол эрээри, хас биирдии гражданин хамнаһыттан хомунаалынайга, ууга, уокка 15% ордугу төлүө суохтаах. Гражданин элбэҕи төлүөхтээх буоллаҕына, субсидияҕа киирсиэн сөп.

Софрон Данилов 51, Строд 14, Сэргэлээх уулусса 9 №-дээх дьиэлэргэ хапытаалынай өрөмүөн барыахтааҕын туһунан эттилэр. Субсидиялар, чэпчэтиилэр көрүллэллэрин иһитиннэрдилэр.

Нэһилиэнньэ олохтоохторо аадырыстаммыт көмө, хапытаалынай өрөмүөн, ититии ситимин тардыы, чааһынай ыаллар септик туруортарыы туһунан ыйыталастылар.

Сорох кэлбиттэр үгүс мунаарар боппуруостарын таарыйан, сайабылыанньаларын кэлбит специалистарга тириэртилэр.

Ити курдук, көрсүһүүгэ кэлбиттэр сөптөөх сүбэ-ама ыллылар, саҥа уларыйыылар тустарынан иһиттилэр.

0
0
Тутаах тыллар
19 января 19.01
  • -48°
  • $ 73,82
  • 83,32