Орто Халыма улууһун Байды нэһилиэгэ Тупсарыы Сылыгар Ил Дархан олохтообут 4,5 мөл. суумалаах субсидиятын ылары ситиспитэ. Тустаах үп ханнык үлэҕэ ананан туһаныллыбытын туһунан олохтоох дьаһалта баһылыга Василий Оконешников СИА-ҕа кэпсээтэ.
„Бэриллибит үптэн 3 мөлүйүөн солк. нэһилиэк иһинээҕи суолу-ииһи оҥорорго туһаныллар. Уулуссаны сырдатар лаампалары 500 тыһыынча солк. атыластыбыт«, — диир баһылык.
Бэтэрээннэр сквердэрин оҥорууга эмиэ 500 тыһыынча солк. тыырыллыбыт.
Итини таһынан оҕо былаһааккатын атыылаһан, таҥан туруорууга эмиэ 500 тыһ.солк. көрүллүбүт. Билигин былаһаакка туруохтаах сирэ быһаарыллар.
«Мин өрөспүүбүлүкэм XXI-с үйэҕэ» бырагыраама чэрчитинэн саҥа оҕо уһуйаанын дьиэтин көҥдөйүн ИП «М.П.Колесов» биригээдэтэ сайыҥҥы дьыл кэмигэр бэрт кылгас бириэмэҕэ хаачыстыбалаахтык тутан бүтэрдэ. Мантан салгыы дьиэ үрдүгэр буор кутуута саҕаланыахтаах.
