Саха сирин борокуратуурата быһаарбытынан, Дьокуускай Киин пааркатыгар баар «Зиг-Заг» диэн аттракциоҥҥа атырдьах ыйын 22 күнүгэр 2010 сыллаах төрүөх кыыс оҕо үөһэттэн сууллубута. Онуоха бу аттракциоҥҥа сокуоннай сааһын ситэ илик 2016 сыллаах төрүөх оҕо үлэлээбитэ билиннэ. Кини үлэтин дуогабара суох толорбут.
Аттракцион бас билээччитигэр — урбаанньыкка РФ Административнай кодексатын 5.27 ыстатыйатын 4 чааһынан административнай дьыала көбүтүлүннэ. Бэрэбиэркэ атын да аттракционнарга уонна паарка былаһааккаларыгар итэҕэстэри булла: өҥөнү оҥоруу быраабылалара суохтар, электрощиттэргэ киирии хааччахтамматах, оҕо былаһааккатыгар охсууну сымнатар бүрүөһүн суох.
Пааркалар дириэксийэлэригэр көрдөбүл киллэрилиннэ. Оҕо эт-хаан эчэйиитин ылбытын туһунан холуобунай дьыала силиэстийэтэ салҕанар.
