Арктика улуустарыгар олоххо-дьаһахха наадалаах таһаҕаһы кыһыҥҥы суолунан тириэрдии оһуобай хонтуруолга тутуллар, бу туһунан СИА-ҕа регионнааҕы «Госкомобеспечения» тэрилтэ иһитиннэрдэ.
Биэдэмистибэ иһитиннэрбитинэн, өрөспүүбүлүкэ улуустарыгар таһаҕаһы тиэйии-таһыы СӨ бырабыыталыстыбатын дьаһалынан бигэргэнэр. Быйылгы дьылга былаан 767 419,2 туонна.
2021 сыл муус устар 1 күнүнээҕи туругунан, нэһилиэнньэлээх пууннарга диэри 711 100,1 туонна (былаантан 93%) тириэрдиллибит. 543 ахсааннаах техника үлэлээбит.
Оһуобай хонтуруолга Арктика улуустарыгар олоххо-дьаһахха туттуллар таһаҕаһы тириэрдии тутуллар. Былаан — 209 441,2 туонна, билиҥҥи туругунан 191 081,4 туонна (былаантан 91%) тириэрдиллибит.
