23 От ыйа 23.07
  • 17°
  • $ 87,78
  • 95,76

Архитектура-тутуу пуорумугар куорат тутуутугар саҥа көрүүлэри кэпсээтилэр

Хаартыска: ЯСИА саайта
Читайте нас на
Яндекс Новости
ЯДВ

Кэнники кэмҥэ архитектордар фасады оҥорууга уонна интерьер элеменигэр тимири тутталлар. Тыйыс килиимэттээх сиргэ туттар матырыйаал сөп түбэһиитэ ирдэниллэр.

Саҥа тенденциялар тустарынан Дьокуускайга буолар архитектура-тутуу пуорумугар кэпсэттилэр, суруйар ЯСИА.

«Биһиги сороҕор фасадтар кутталы үөскэтиэхтэрин, алдьаныахтарын, сууллан түһүөхтэрин сөбүн туһунан кэпсэттибит. Хас даҕаны сүрүн биричиинэни ыйдыбыт, экономияҕа охсуутун уонна профессионализма суох быһаарыы ночоотун быһаардыбыт. Сороҕор архитектордар уонна сакаасчыттар супер идеяны киллэрэ сатыылар, күн-дьыл, килиимэт туругун аахсыбаттар. Ол түмүгэр араас буолуон сөп, онон баланс наада. Матырыйаал хаачыстыбаннай буолуохтаах уонна бырайыакка сөп түбэһиэхтээх. Фасад туруга хаачыстыбалаах буоларыгар өссө биир өрүтэ — профессионализм уонна бары өрүттэр сүбэлэрэ, докумуонунан үлэ уонна эбийиэк олоххо киириитигэр үлэсуобастаахтык толоруллуута», — диэтэ «АЛГА» собуот генеральнай дириэктэрин солбуйааччыта Виктор Баранов.

Пуорум Дьокуускайга олунньу 28 — 29 күннэригэр буола турар. Бэҕэһээ стратегическай сессиялар уонна төгүрүк остуоллар ыытыллыбыттара. Киин куорат маастар-былааныгар уонна «Тиксии — Ньайба» агломерациятыгар, Уһук Хоту усулуобуйатыгар спортивнай эбийиэктэри тутууга уонна да атыттарга тэрээһиннэр ананнылар.

Бүгүн тутуу матырыйаалларыгар уонна конструкцияларга быыстапка, айар кһрсүһүүлэр, Россия куораттарын кылаабынай архитектордарын тосхолго көрсүһүүлэрэ буолар.

Следите за самым важным и интересным в Telegram-канале и WhatsApp-группе ЯСИА