Арассыыйа почтата нуучча географическай уопсастыбатын кытта бииргэ Саха сирин айылҕатын кэрэ бэлиэ сирдэрин хаартыскаларынан аккырыыкка оҥорон таһаарда.
Аккырыыкка коллекциятын оҥорорго «Самая красивая страна» диэн РГО сыллата ыытар хаартыскаҕа куонкурус архыыбыттан Михаила Дерновскай, Ольги Мусиенко, Римма Соловьева уонна Алексей Харитонов 5 бастыҥ хаартыскаларын таллылар. Аккырыыккалары почта салааларыттан 44 солк. атыылаһыахха сөп.
Аккырыыккалар бары бэйэ-бэйэлэригэр майгыннаһаллар, ордук араас дойду аккырыыккаларын хомуйар дьоҥҥо интэриэһинэй буолуон сөп.
«Мин атын дойдуларга аккырыыкка ыытааһынынан (посткроссинг) үлүһүйбүтүм үһүс сылыгарбарда. «Посткроссердар» диэн туспа бөлөхтөөхпүт, атын регионнары кытары билсэбит. Манна араас штемпель таҕыстаҕына көтүппкэккэ сылдьа сатыыбыт. Хас даҕаны тас дойдуттан аккырыыкка туппутум, Саха сирэ хаартыскалардаах аккырыыкка соччо суох буолааччы, ол иһин бу аккырыыккалар атыыга тахсыбыттарын кэннэ тута ылбытым, эрээри поскроссердарга аккрыыкка сыаната ыарахан соҕус», — диэн Саха сирин көхтөөх «посткроссера» Валентина Иванова бэлиэтээтэ.
Федеральнай почта сулууспатын Саха сиринээҕи салаатын дириэктэрэ Петр Птицын Саха сиригэр туристары айылҕа кэрэтэ, хотугу дьон ыалдьытымсахтара ордук болҕомтону тардарын бэлиэтээтэ.
