Арассыыйаҕа ыам ыйын 1 күнүттэн киирбит сокуон быһыытынан, биэнсийэни дьиэҕэ илдьэн биэрии эбэтэр каассаҕа биэрии өҥөтүн «Арассыыйа почтата» эрэ оҥоруоҕа. Ол туһунан РФ Парламенын хаһыата суруйар.
Урут бу өҥөнү «Арассыыйа почтата» уонна эрэгийиэннэргэ атын тэрилтэлэр оҥороллоро. Онуоха кыра тэрилтэлэргэ араас кыһалҕалар үөскүүллэрэ. Холобур, Арассыыйа сорох эрэгийиэннэригэр халаан кэмигэр биэнсийэни ыраах дэриэбинэлэргэ уонна сэлиэнньэлэргэ илдьэргэ анал тиэхиньикэни уларсыахха наада. Тиэхиньикэни уларсарга харчыта суох кыра тэрилтэлэр ыксаллаах быһыы-майгы кэмигэр биэнсийэни бириэмэтигэр тириэрдибэттэрэ.
Онон, саҥа сокуон олоххо киирэн, почтаттан атын ханнык да хампаанньалар биэнсийэни харчынан биэрэр кыахтара суох буолла.
Саҥа быраабылаҕа көһөргө саҥа сайабылыанньаны суруйуу ирдэниллибэт.
Источник: «Саха сирэ» сайт.
