18 От ыйа 18.07
  • 17°
  • $ 88,09
  • 96,3

Арассыыйа күнүгэр Дьокуускайга саҥа успуорт комплекса аһылынна

11:27, 13 июня
Текст:
Хаартыска: Саха сирэ саайтан
Читайте нас на
Яндекс Новости
ЯДВ
Киин куорат Сайсары уокуругар элбэх өҥөнү оҥорор успуорт комплексын өрөгөйдөөх аһыллыыта буолла. Комплекс баазатыгар 9 №-дээх оҕо  успуорт оскуолата үлэлиэҕэ диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.

Хаартыска: Мария Васильева, СИА.

Хаартыска: Мария Васильева, СИА.

“Комплекс 10 ый иһигэр түргэнник уонна аныгы кэм ирдэбилигэр эппиэттиир гына  хаачыстыбалаахтык тутулунна. Маннык эбийиэктэр биһиги куораппыт, өрөспүүбүлүкэбит киэн туттуутунан буолаллар! Буолаары турар «Азия оҕолоро» норуоттар икки ардыларынааҕы успуорт оонньууларыгар элбэх саҥа рекорд олохтоноругар эрэнэбин”, — диэтэ  СӨ Бырабыыталыстыбатын бэрэссэдээтэлэ Кирилл Бычков. Бу саҥа успуорт комплексын эбийиэгин уопсай иэнэ 2800 кв.м.

Оҕо успуорт оскуолатын дириэктэрэ Василий Рязанскай этэринэн, бастакы этээскэ 13 миэтэрэ үрдүктээх уус-уран гимнастиканан дьарыктанарга аналлаах саалалаах. Иккис этээскэ ким баҕалаах тустуу, бокс успуор көрүҥнэригэр уонна тренажернай саалаларга дьарыктаныахтара. Тренажернай саалаҕа нэһилиэнньэни күһүҥҥүттэн сырытыннарыахтара.

Успуорт комплекса “Демография” национальнай бырайыагынан “Спорт- олох нуормата” бырагыраама чэрчитинэн тутулунна. “Азия оҕолоро” оонньуулар кэмнэригэр саҥа саалаҕа волейболга күрэхтэһиилэр ыытыллыахтара, суруйда Саха сирэ саайт.

Следите за самым важным и интересным в Telegram-канале и WhatsApp-группе ЯСИА