15 От ыйа 15.07
  • 18°
  • $ 87,74
  • 95,76

Амма кырдьаҕас сылгыһыта

17:40, 27 января 2016
Текст:
Читайте нас на
Яндекс Новости
ЯДВ

Бүгүн норуоппут төрүт үгэһин утумнаан илдьэ сылдьар дьонтон биирдэстэринэн Амма улууһун Иван Строд аатынан тыа хаһаайыстыбатын производственнай кооперативын наставнига, икки Үлэ Кыһыл Знамятын уордьан кавалера, СӨ норуотун хаһаайыстыбатын үтүөлээх үлэһитэ, тыа хаһаайыстыбатын эйгэтигэр СӨ судаарыстыбаннай бириэмийэтин лауреата, Амма улууһун бочуоттаах гражданина Гаврил Михайлович Семенов буолар.

Хаһаайыстыба сылгыһыттара 695 сылгыны көрөллөр-истэллэр. Кылаабынай зоотехник Сергей Бугаев этэринэн, быйыл 351 биэттэн аччаабыта 75 бырыһыан төрүөҕү ылар соруктаахтар, отунан бурдугунан толору хааччынан олороллор. Ону сэргэ хаһаайыстыба 407 ынаҕы кыстатан туруорар.

«Гаврил Михайлович Семенов – туруу үлэһит киһи, бэйэтин кэмигэр сылгы иитиитигэр үрдүк ситиһиилэрдээҕэ. Кини курдук наставниктаах буоламмыт санаабыт бөҕөх, сарсыҥҥы күнү эрэллээх көрсөбүт. Үксүбүт эдэрбититтэн кинилиин алтыһан сылгыга сыстыбыппыт. Гаврил Михайлович Саха сиригэр ат сүүрдүүтэ сайдарыгар сүҥкэн өҥөлөөх — ат спордугар өрөспүүбүлүкэ ХХ үйэ бастыҥ тренеринэн буолар. Күн бүгүн эмиэ кини сүбэтэ-амата суох сатаммат курдукпут», — диир Сергей Алексеевич.

Следите за самым важным и интересным в Telegram-канале и WhatsApp-группе ЯСИА