Бэҕэһээ, балаҕан ыйын 27 күнүгэр, «Приамурскай» зоосадка Саха сириттэн сылдьар үрүҥ эһэ көһөн кэлбитэ лоп курдук биир сыла буолла.
Хабаровскай зоопаркатыгар эһэ үчүгэйдик аһыырын бэлиэтииллэр, ыйааһына 370 кг. тиийбит. Алмааһы нэдиэлэ аайы ыйааһынныыллар, кини бэйэтэ да үөрэ-көтө ыйааһыҥҥа олорорун бэлиэтииллэр.
Хабаровскай олохтоохторо үксүлэрэ биһиги кыраһаапчыкпытын көрө кэлэллэр. Алмаас олус үөрүнньэҥ уонна билиҥҥээҥҥэ диэри мэниктиирин сөбүлүүр. Оттон кини устар буоллаҕына, уу хаапылалара көрөөччүлэргэ тиийэ көтөллөр», — диэн зоосадын телеграм ханаалыгар үллэһиннэ.
Алмаас 2019 сыллаахха ахсынньы 17 күнүгэр Орто Дойду зоопаркаҕа Колымана уонна Ломоносов иккис оҕолорунан төрөөбүтэ. Саха сиригэр баарын тухары мэнигин уонна бэһиэлэйин иһин олохтоохтор олус таптаабыттара.Кини ийэбин кытта икки сыл олорбута, оттон 2021 сыл балаҕан ыйыгар «Приамурскай» зоосадка туттарыллыбыта.
