Навигация саҕаланыаҕыттан Саха сирин наадаларыгар 937,3 тыһыынча туонна тыын суолталаах таһаҕас тиэйилиннэ, ол былаантан 92,9% тэҥнэһэр. Тиэрдилиннэ 861,2 тыһыынча туонна эбэтэр былааннаммыт кээмэйтэн 85,3%, диэн өрөспүүбүлүкэ гражданскай оборона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэтэ иһитиннэрдэ.
Биэдэмистибэ бэлиэтииринэн, Арктика өрүстэринэн таһаҕаһы таһыы бүтэрэр түһүмэххэ сылдьар. Ол курдук, алтынньы 3 күнүттэн Индигир өрүскэ Белай Гора – Немков учаастакка уу суола сабылынна, оттон Халыма өрүскэ Орто Халыма — Черскэй уонна Үөһээ Сеймчан — Зырянка учаастактара сабылыннылар.
Санатан эттэххэ, 2026 сыл навигациятыгар Саха сирин наадаларыгар таһаҕаһы тиэйии былаана 1 009,5 тыһыынча туоннаҕа тэҥнэһэр.
