Бүтүн Арассыыйатааҕы «ЗаБег.РФ» полумарафон, футболга Уһук Илин күрэхтэһиитэ, ГТО бэстибээлэ — бу уонна да атыттар Саха сирин олохтоохторун уонна ыалдьыттарын чугастааҕы икки ыйга күүтэллэр. Спорт миниистрэ Леонид Спиридонов «Актуальное интервью» бырагыраамаҕа ыам ыйын уонна бэс ыйдарын сүрүн спортивнай событиеларын ааттаата.
«Ыам ыйа Саха сиригэр – айылҕа уһуктуута эрэ буолбатах, спорт бырааһынньыга саҕаланар. Хас биирдии киһи бэйэтигэр туох эрэ интэриэһинэйи булуоҕа. Саамай сүрүн түгэннэринэн, биллэн турар, киэҥ далааһыннаах Бүтүн Россиятааҕы « ЗаБег.РФ» буолуоҕа, онно тыһыынчанан сүүрүүнү таптааччылар стартка тахсыахтара уонна 2010 сыллааҕы эдэр талааннар ортолоругар футболга Уһук Илин күрэхтэһиитэ ыытыллыаҕа. Дьиҥнээх спортивнай тыын «Эйэ! Ыам ыйа! ГТО!» ким баҕарар бэйэтин күүһүн- уоҕун, тулуурун бэрэбиэркэлиир кыахтаах», — диэтэ миниистир.
Ыам ыйынааҕы старт
Бүтүн Арассыыйатааҕы «ЗаБег.РФ» полумарафон.
Футболга Уһук Илин күрэхтэһиитэ (2010 с.т. уолаттар)
«Эйэ! Ыам ыйа! ГТО!»- бары баҕалаахтарга физическэй бэлэмнэниини бэрэбиэркэлээһин.
Өрөспүүбүлүкэ үрдүнэн сарсыардааҥы зарядка саҕаланыыта.
Кыайыы күнүгэр спортивнай акциялар: «Кыайыы Марафона» стендовай ытыыга күрэхтэһии.
“Российский Азимут” — спортивнай ориентирование бүтүн Арассыыйатааҕы маассабай күрэхтэһиилэрэ.
“Манчаары кубога” (хоккейга өрөспүүбүлүкэтээҕи турнир).
Федеральнай хамаандалар ортолоругар “служебнай двоеборьеҕа” чемпионат.
Саха сирин 3×3 баскетболга чемпионата.
Бэс ыйынааҕы турнирдар
Бэс ыйын 4-7 күннэрэ — Саха сирин үлэ кэлэктииптэрин V Спартакиадата.
Бэс ыйын 16-19 күннэрэ — «Дьулуур» спорт адаптивнай көрүҥнэригэр xv үбүлүөйдээх спартакиада.
Бэс ыйын 28 – от ыйын 4 — Дьокуускайга «Туймаада» стадиоҥҥа ох саанан ытыыга
Арассыыйа чөмпүйэнээтэ.
