19 От ыйа 19.07
  • 19°
  • $ 88,02
  • 96,04

Волейбол: Саха сирин кыргыттара Приморскай кыраай хамаандатын хоттулар

09:58, 10 июля 2016
Читайте нас на
Яндекс Новости
ЯДВ

«Азия оҕолоро» Оонньуу бастакы күнүгэр Саха сирин кыргыттарын волейболга хамаандата хотторууну билбит эбит буоллахтарына, иккис күн ситиһиилэннилэр. От ыйын 9 күнүгэр кинилэр «50 лет Победы» спортивнай комплекска Приморскай кыраай хамаандатын 3:0 кыайдылар.


Санатар эбит буоллахха, бастакы турнир кыргыттарбытыгар ситиһиини биэрбэтэҕэ. Сибиирдээҕи федеральнай уокурук хамаандатыгар 0:3 ааҕыынан хотторбуттара.

«Бастакы оонньуубут сатаан тахсыбатаҕа. Ону көннөрдүбүт. Салгыы кыайыы эрэ баар буолуо диэн толкуйдуубут», — СИА-ҕа Марина Сутырина эттэ.

Сүүмэрдэммит хамаанда үрдүкү тренерэ Наталья Хлопкова этэринэн, кыргыттар Сибиир муҥутуур күүстээх хамаандатын кытта оонньуулларыттан эрдэттэн уйулҕаларынан сабарыйтарбыттар. «Бүгүн мин кыргыттарбыттан астынным. Барытын сөпкө оҥордулар. Кинилэр элбэххэ дьулуурдаахтар», — бэлиэтээтэ кини.

Хамаанда өссө үс оонньуулаах. СИА кэтээн көрөр.

Следите за самым важным и интересным в Telegram-канале и WhatsApp-группе ЯСИА