Горнай улууһун дьаһалтата 2024 сыллааҕы Дыгын оонньууларыгар кыайбыт биир дойдулаахтара Дьулустан Ноговицыҥҥа 1,5 мөл солк суумалаах сертификат туттарда.
Бэҕэһээ, от ыйын 10 күнүгэр, Бэрдьигэстээххэ норуот геройун чиэстээтилэр. Стадион толору киһи муһунна. Ол туһунан «Үлэ күүһэ» хаһыат суруйда.
Санаттахха, Горнай улууһуттан төрүттээх многоборец Дьулустан Ноговицын быйыл Туймаада ыһыаҕар кыайыылаах буолбута.
