Илиҥҥи экэнэмиичэскэй пуорумҥа Саха сирэ уонна Уһук Илини уонна Арктиканы сайыннарыыга корпорация Найбаҕа муора пуордун тутууга бииргэ үлэлэһии туһунан сөбүлэһии түһэристилэр, Саха сирэ суруйар.
Докумуоҥҥа Саха сирин премьер-миниистирэ Кирилл Бычков уонна Уһук Илини уонна Арктиканы сайыннарыыга корпорация генеральнай дириэктэрэ Кирилл Каменев илии баттастылар.
«Булуҥ улууһугар пуорду үлэҕэ киллэрии Хотугу муора суолунан сылы эргиччи суудуналар сылдьыыларын хааччыйыаҕа. Бу бырайыак олоххо киирэрэ чугаһаата», — диэн Кирилл Бычков иһитиннэрэр.
Бырайыак олоххо киириитэ олохтоохторго икки тыһыынчаттан тахса үлэ миэстэтин таһаарыаҕа диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
