25 От ыйа 25.07
  • 24°
  • $ 86,55
  • 94,38

Усуйаанаҕа 20-тэн тахса хаһаайыстыба күһүҥҥү балыктааһыҥҥа кыттар

Читайте нас на
Яндекс Новости
ЯДВ

Усуйаана улууһугар маассабай балыктааһын саҕаланыаҕыттан 220 туонна күндүөбэй туттарылынна. Промышленнай квотанан 424 туонна бултаныахтаах.

«Заря Яны» хаһыакка тыа хаһаайыстыбатын управлениетын салайааччыта Артем Милютин иһитиннэрбитинэн, күндүөбэйгэ күһүҥҥү балыктааһын Дьааҥы өрүскэ уу таһыма үрдүгүнэн, хойутаан саҕаламмыта.

Барыта 27 балык хаһаайыстыбата үлэҕэ турунар, соҕотуопканы Казачьеҕа, Усуйаанаҕа уонна Кресты учаастакка туталлар.

«Бүтэһик сылларга материальнай-техническай баазаны оҥордубут, барыларыгар кэриэтэ балыгы тута тоҥорор тэриллэр, морозильнай ыскылааттар, рефрижераторнай контейнердар бааллар, мууска харайыыттан аккаастанныбыт», — диэтэ Артем Милютин.

Сайыҥҥы-күһүҥҥү балыктааһыҥҥа 350 туонна араас балык тутулунна.

Хаартыска: Александр Егоров

Следите за самым важным и интересным в Telegram-канале и WhatsApp-группе ЯСИА