Арассыыйа Бэрэсидьиэнэ Владимир Путин «Валдай» норуоттар икки ардыларынааҕы дискуссионнай кулууп XXIII сыллааҕы мунньаҕын пленарнай сиэссийэтигэр, Уһук Илин тиһиктээхтик сайдыытыгар ураты болҕомтотун уурда. Судаарыстыба баһылыга ылыллар дьаһаллар, ол иһигэр 2% чэпчэтиилээх ипотека бырагырааматын ыйда, маны сэргэ нэһилиэнньэ олоҕун хаачыстыбатын үрдэтэргэ кыах бэриллибитин тоһоҕолоон бэлиэтээтэ.
Бэрэсидьиэн дойдуга ипотека кирэдьиитигэр орто ыстаапка 16-17% буолбутун да иһин, Уһук Илин олохтоохторо үбүлээһин ураты усулуобуйатыгар киирсэр кыахтаахтарын эттэ. Ол түмүгэр, макроэрэгийиэн сорох куораттарыгар Арассыыйа орто таһымыттан үрдүк дохуот уонна оҕо төрөөһүнэ элбэҕэ бэлиэтэннэллэр.
Федеральнай көҕүлээһиннэр Саха сиригэр быһаччы уонна киэҥ далааһыннаахтык туһаныллаллар. Ол курдук, Уһук Илин уонна Арктика чэпчэтиилээх ипотечнай бырагырааматын нэһилиэнньэ саамай элбэхтик туһанара бэлиэтэнэр. Бүгүҥҥү күҥҥэ Саха сирин олохтоохторо судаарыстыба өйөбүлүнэн 36 987 чэпчэтиилээх ипотека кирэдьиитин ылбыттар. Бу сыыппара федеральнай быһаарыылар тыһыынчанан дьиэ кэргэн олорор усулуобуйатын тупсарарыгар көмөлөөхтөрө көстөр.
Санатан эттэххэ, 2026 сылга федеральнай киин өйөбүлүнэн бырагыраама усулуобуйата лаппа кэҥэтиллибитэ. 2% чэпчэтиилээх кирэдьитинэн быраастар эрэ буолбакка, судаарыстыбаннай уонна муниципальнай мэдиссиинэ тэрилтэлэрин бары үлэһиттэрэ, ону тэҥэ байыаннай дьайыы кыттыылаахтара ылбыттара. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/65486
