«Дальневосточная ипотека» диэн бырагырааманан 35-гэр диэри саастаах ыал дьон эбэтэр эмиэ итиччэтигэр дылы саастаах оҕолоох киһи кыттыан сөп. Билигин быраастар уонна учууталлар туһанар бырааптаннылар.
«Уһук Илиҥҥи ипотеканан» эдэрдэри кытта тэҥҥэ «Дальневосточный гектар» бырайыак кыттыылаахтара эмиэ туһанар кыахтаахтар.
Аны билигин учууталларга уонна быраастарга бу тосхолунан дьиэлэнэллэригэр аан арылынна. Сааһыттан тутулуга суох диэтилэр. Бу туһунан Уһук Илиҥҥи экономическай форум кэмигэр президент боломуочуйалааҕа Юрий Трутнев эттэ диэн официальнай СМИ суруйда.
2021 сыл бүтүөр диэри саҥа дьаһал үлэлиэҕэ.
«Дальневосточная ипотека» бырагыраама Уһук Илиҥҥэ дьиэ атыылаһыытыгар уонна туттууга ананар кирэдьиит буолар. Сыллааҕы ыстаапката бааннарга араастаһар, ити эрээри 2%-тан улаатыа суохтаах. Иэс биэрии муҥутуур суумата — 6 мөл солк.
