22 От ыйа 22.07
  • 21°
  • $ 88,02
  • 96,04

Тыа хаһаайыстыбатын академията Казахстаны кытта сибээһи олохтуур

Читайте нас на
Яндекс Новости
ЯДВ

Саха сирин уонна Казахстан үрдүк үөрэх кыһаларын икки ардыларыгар кэскиллээх бырайыактары үөскэтэр туһугар Тыа хаһаайыстыбатын академиятын ректорын э.т. Иван Слепцов бу күннэргэ Астана куоракка үлэлиир.


Официальнай сырыы чэрчитинэн Казахстаннааҕы экономика, үп-харчы уонна норуоттар икки ардыларынааҕы атыы-эргиэн университетын кытта хардарыта сөбүлэһии түһэрсилиннэ. Сөбүлэһиигэ илии баттааһын сибээс кэҥииригэр ураты суолталааҕын Казахстан университетын ректора, педагогика эйгэтин учуонайа Сарсенгали Абдыманапов бэлиэтээтэ.

Саха сиринээҕи Тыа хаһаайыстыбатын академията уонна Казахстан университета араас бырайыактары оҥороллоругар, научнай, үөрэтэр бырагыраамалар чэрчилэринэн устудьуоннары уонна аспираннары атастаһан үөрэтэллэригэр, о.д.а. саҕалааһыннарга олук уурар.

«Нур Отан» баартыйа бэрэстэбиитэллэрин кытта устудьуоннары үөрэти инникитин туһунан кэпсэттилэр. Академия ректорын э.т. Иван Слепцов баартыйа Астанатааҕы филиалын салайааччытын солбуйааччыны Владислав Сергеевы кытта көрүстэ.

Следите за самым важным и интересным в Telegram-канале и WhatsApp-группе ЯСИА