Тываҕа ыам ыйын 25 уонна 26 күннэригэр «Центр Азии» спортивнай тустууга Россиятааҕы турнир буолара былааннанар. Күрэхтэһиигэ Саха сириттэн түөрт бөҕөс кыттар.
Ол туһунан сүүмэрдэммит хамаандалары спортивнай бэлэмниир киин иһитиннэрдэ, суруйар ЯСИА.
Саха сирин хамаандатыгар киирдилэр: Виктор Яковлев (61 кг), Яков Павлов (61 кг), Айсен Потапов (74 кг) уонна Никита Хабаров (125 кг). Россия регионнарын хамаандаларын таһынан Монголия хамаандата кыттар былааннаах.
Турнир кыайыылаахтара Россия спордун маастара ааты ылыахтарын сөп.
Бириистээх миэстэлэринэн наҕараадаламмыттар: 1 миэстэҕэ 30 тыһ солк, иккискэ — 20 тыһ солк, үһүскэ — 10 тыһ солк ылаллар. Кыайыылаахтар ааттарын ыам ыйын 26 күнүгэр билиэхпит.
