Томпо оройуонугар Кыһыл кинигэҕэ киирэр кырсаада, түүппүлэ сибэккилэр тыллыбыттар. Айылҕа саамай силигилээн турар кэмигэр кэпсээҥҥэ киирбит кэрэ сибэккилэр дьон хараҕын үөрдэллэр, дууһатын манньыталлар.
Айылҕа кэрэ симэхтэрин Хаандыга бөһүөлэгиттэн чугас көрүөххэ сөп. Томпоҕо кырсаада сибэкки саһархай өҥнөөҕө үүнэр.
Түүппүлэ сибэкки сахалыы иккис аата чаанньык сибэкки диэн. Билэр дьон этэринэн, Томпоҕо хас да көрүҥэ баар. Онтон бу хаартыскаларга иккитэ көстөр.
Бастакыта «Башмачок пятнистый» диэн маҥан, кыһыл өҥнөөх. Бу көрүҥ элбэхтик үүнэр. Иккиһэ «Башмачок крупноцветковый» кыһыллыҥы өҥнөөх. Аатын курдук улахан сибэккилэрдээх. Сэдэхтик көстөр көрүҥ.
Ааптар: Евдокия Неустроева
