14 Муус устар 14.04
  • -6°
  • $ 93,44
  • 99,73

Таатта улууһун Амматыгар хочуолунай тутуута сүрүн туруорсууларынан буолар

Читайте нас на
Яндекс Новости
ЯДВ

Таатта улууһун бары нэһилиэктэригэр ситэриилээх былаас уорганнарын 2023 сыллааҕы үлэтин отчуота саҕаланна.

Бүгүн, олунньу 26 күнүгэр СӨ Бырабыыталыстыбатын бэрэссэдээтэлин солбуйааччы Сергей Местников салайааччылаах отчуоттуур бөлөх бастакы күнүн Амма нэһилиэгиттэн саҕалаата. 

Отчуоту нэһилиэк баһылыга Степан Соров салайан ыытта. Мунньахха 60-ча олохтоох кэлэн кыттыыны ыллылар.

Амма нэһилиэгин  олохтоохторо отчуоту иһиттилэр, кыһалҕалаах боппуруостарын биэрдилэр.

Амма өрүс үрдүгэр олорор нэһилиэк буолан экология, Амма өрүһү харыстааһыҥҥа, өттөөһүн, тыа нэһилиэгэр ыччат үлэлии хаалара мөлтөх, онно туох үлэ ыытыллыаҕын тула кэпсэттилэр.

А.Е.Кулаковскай — Өксөкүлээх Өлөксөй 2027 сылга 150 сыла туоларыгар төрөөбүт дойдутугар кулууп, дьон сынньанар пааркатыгар эбии тутууну, айан суолун тупсарыыга этиннилэр.

Тыа хаһаайыстыбатыгар сүөһүнү былааннаахтык буоһатыы, боруоданы тупсарыы, күрүөнү тутуу, кээпэрээссийэ тула, зоотехник үлэһит наадатын туруорустулар.

Нэһилиэк саамай кыһалҕалаах ыйытыктара тутулла турар хочуолунай буолла. Кыаммат араҥаҕа хочуолунайга киириигэ туох көмө баарын ыйыттылар.

С.Р.Кулачиков-Эллэй аатынан орто оскуолата хапытаалынай өрөмүөнүн түргэтэтэргэ, стационарный оҕо лааҕырын дьиэтин тупсарыыга ыйытыктар киирэн, туһааннаах министиэристибэлэртэн хоруй ыллылар уонна отчуоту биһирээн сөптөөҕүнэн аахтылар, суруйда @taattagazeta @ulusmedia

Следите за самым важным и интересным в Telegram-канале и WhatsApp-группе ЯСИА