29 Кулун тутар 29.03
  • -15°
  • $ 92,26
  • 99,71

Таатта Боробулугар саҥа амбулатория дьиэтэ аһылынна

17:01, 19 октября 2020
Текст:
Читайте нас на
Яндекс Новости
ЯДВ

Ааспыт нэдиэлэҕэ Таатта улууһун Боробул нэһилиэгэр «Доруобуйа харыстабыла» национальнай бырайыак көмөтүнэн М.П. Заболоцкай аатынан саҥа амбулатория дьиэтэ аһылынна.


Балыыһа дьиэтин үс ый иһигэр туппуттар. Саҥа амбулатория федеральнай стандартка толору эппиэттиир. Мэдиссиинэ дьиэтэ саҥа тэриллэрдээх, быраас, фельдшер, акушер көрөр хостордоох, процедурнай, о.д.а. кабинеттардаах. Манна бырааска көрдөрүүттэн ураты олохтоохтор сорох анаалыстары туттарыахтарын сөп, ЭКГ, диспансеризация бастакы түһүмэҕин ааһыахтарын, прививка о.д.а. көмөнү ылыахтарын сөп. Боробулга билигин 900 киһи олорор.

Боробулга бастакы биэлсэр-акушер пууна 1954 сыллаахха биэлсэр Марина Поповна Заболоцкая кэлбитигэр аһыллыбыт. Кэлин кини аатын балыыһаҕа иҥэрбиттэр. Оччотооҕу колхуос бэрэссэдээтэлэ Иннокентий Кузьмин дьаһалта дьиэтин туран биэрбит.

1967 сылаахха олохтоох сэбиэт бэрэссэдээтэлэ Иван Тарбахов Сэбиэскэй союзка бастыҥ бэрэссэдээтэл аатын ылан, 10 тыһыынча солкуобайынан наҕараадаланан, сэбиэт дьиэтин туттарбыт. Икки сылынан ити аатын хос ситиһэн, ылбыт харчытыгар балыыһа дьиэтин туттарбыт. 90-с сылларга учаастактааҕы балыыһа саҥа арбалитовай дьиэҕэ киирбит.

Аныгы тутуулаах саҥа амбулатория дьиэтэ нэһилиэккэ отучча сыл буолан баран үлэҕэ киирбитигэр, олохтоохтор үөрүүлэрэ үгүс.

Следите за самым важным и интересным в Telegram-канале и WhatsApp-группе ЯСИА