16 От ыйа 16.07
  • 26°
  • $ 87,81
  • 95,78

Тааһаҕарга саҥа оскуола бастакы сыбаайата түһэрилиннэ

12:57, 06 марта 2016
Текст:
Читайте нас на
Яндекс Новости
ЯДВ

«Ааспыт сыл бүтүүтэ улууспут баһылыга С.Н. Винокуров, улуус мунньаҕын бэрэссэдээтэлэ Г.С. Корякин уонна улуус мунньаҕын үгүс депутаттарын күүстээх өйөбүллэринэн «АЛРОСА»-тан киирэр дивидентэн 26 мөл. солк көрүллэн, икки этээстээх 100 миэстэлээх таас оскуола тутуута саҕаламмыта. Онон тааһаҕардар өр күүппүт ыра санаалара олоххо киириитигэр бастакы дьоһун хардыы оҥоһулунна», — диэн СӨ норуотун хаһаайыстыбатын үтүөлээх үлэһитэ, Бүлүү улууһун уонна Тааһаҕар нэһилиэгин бочуоттаах олохтооҕо Афанасий Поскачин иһитиннэрдэ.


Нэһилиэккэ саҥа оскуола тутуутун туруорсуллубута өр буолла. Ааспыт үйэ 70-с сылларын саҥатыгар үлэҕэ киирбит, оччотооҕуга начаалынай оскуолаҕа диэн анаан тутуллубут дьиэ ууга баран, сиҥнэн, прокуратуранан 2009 сыллаахха сабыллыбыта. Оҕолор мастарыскыайынан, урукку сэбиэт хонтуоратынан, спортсаалынан көһө сылдьан үөрэммиттэрэ.

«Араас таһымнаах мунньахтарга этиннибит ини, этиммэтибит ини. Бара-кэлэ сатаан оскуолабыт Российскай Федерация үтүөлээх юриһа Н.Н. Каратаев аатын сүгэрин иһин өрөспүүбүлүкэ Прокуратуратыгар уонна Үрдүкү Суутугар өйөбүл көрдөөн кытары сылдьыбыппыт. Улахан хамсааһын суох этэ. СӨ бырабыытаалыстыбатан урукку солбуйар бэрэссэдээтэлэ, билигин үөрэх миниистирэ Ф.В. Габышева уонна үөрэх урукку миниистирэ А.С. Владимиров быһаччы өҥөлөрүнэн аал баһа дьэ хоҥунна. 2013 сылга инвестиционнай бырагыраамаҕа киллэриллибитэ», — диэн Афанасий Поскачин салгыы кэпсиир.

Улуус баһылыга С.Н. Винокуров, улуус мунньаҕын бэрэссэдээтэлэ Г.С. Корякин, нэһилиэк баһылыга С.С. Каратаев тутууга бэдэрээттэспит “СТК” ХЭУо (генеральнай дириэктэр А.П. Заболоцкай) саҥа оскуоланы хаачыстыбалаахтык тутуохтара диэн эрэнэллэрин биллэрдилэр.

Следите за самым важным и интересным в Telegram-канале и WhatsApp-группе ЯСИА