Уус Алдан улууһугар гириип утары быһыы биэриитэ саҕаланна, ол туһунан улуустааҕы киин балыыһа иһитиннэрэр.
“Бүгүҥҥү күҥҥэ улуустааҕы киин балыыһаҕа 4600 доза кэллэ: “Флю-М” (улахан дьоҥҥо) — 2000, “Совигрипп” — 2000, “Ультрикс” — 600 (оҕолорго)”. Грипп үгүстүк тарҕаммыт сезоннай сыстыганнаах ыарыылартан биирдэстэрэ буолар. Чуолаан, кырдьаҕас дьоҥҥо, дьарҕа ыарыылаахтарга, хат буолбут дьахталларга уонна оҕолорго ыараханнык охсуон сөп.
Вакцинация – гириип утары профилактикаҕа ордук көдьүүүстээх ньыма буолар. Ыарыы ыараханнык киирбэтин туһугар, вакцинаны кэмигэр ылыҥ диэн баргытын ыҥырабыт”, — диэн эмп тэрилтэтин кылаабынай бырааһа Сергей Черкашин эттэ.
Булгуччу вакциналаныахтаах дьон бөлөхтөрө: оҕолор, доруобуйа харыстабылын уонна үөрэх үлэһиттэрэ, 60 саастарын сиппит дьон, дьарҕа ыарыылаахтар, тырааныспар, ОДьКХ, гаас, уу, элэктэриичэстибэнэн хааччыйар уонна социальнай тэрилтэлэр үлэһиттэрэ, 18 саастарын сиппит орто үөрэххэ киирбит устудьуоннар, хат буолбут дьахталлар, призывниктар.
Тылбаас: Саргылана Слепцова
