Күн корональнай дьөлөҕөһүн сабыдыалыттан тахсыбыт магнитнай буурҕа балаҕан ыйын 24 күнүгэр кэтэһиллэр. Бу туһунан ИКИ РАН уонна ИСЗФ СО РАН Күн астрономиятын лабораториятыгар иһитиннэрдилэр.
«Чугастааҕы күннэр бэлиэ түбэлтэлэринэн, кэлэн иһэр күһүҥҥү тэҥнэһиини аахсыбакка туран, күһүҥҥү иккис магнитнай буурҕа буолуоҕа, ол балаҕан ыйын 24 күнүгэр, ол эбэтэр чэппиэргэ кэтэһиллэр», — диэн биллэриигэ этиллэр.
Кэтэһиллэр буурҕа Күҥҥэ баар улахан корональнай дьөлөҕөһү кытта сибээстээх.
Магнитнай буурҕалар доруобуйаларынан халлаан уларыйыытыгар бэринимтиэ дьон туругар дьайыан сөп. Маннык күннэргэ төбө ыалдьара, хаан баттааһына хамсыыра, сүрэх тэбиитэ түргэтиирэ, сэниэтэ суох буолуу уонна утуйар уу алдьаныыта буолуон сөп. Ордук сүрэх-тымыр ыарыылаахтар, сааһырбыт дьон, ону тэҥэ долгуйар, айманар дьон болҕомтолоох буолаллара ирдэнэр.
Быраастар магнитнай буурҕа кэмигэр сынньанары элбэтэргэ, элбэх ууну иһэргэ, кофены уонна арыгыны хааччахтыырга, ыарахан физическэй ноҕуруускалартан туттунарга сүбэлииллэр.
