— Былырыын баччаларга Монголияттан сылаас салгын циклона Сибиир уонна Уһук Илин эрэгийиэннэрин хаппыта. Ол эмиэ хатыланан, аны Камчаткаҕа тиийэ сылыйан турар. Онон алтынньыга диэри күнүс сылыйар, ардыыр, сир тоҥо илик, тыа көтөҕөтүн да түһэрбэккэ турар. Былырыын эмиэ маннык хартыына этэ. Онон кыстык хаар алтынньы 10 чыыһылатын кэнниттэн түһүөҕэ. Балаҕан ыйын 16 күнүттэн 27 күнүгэр диэри – көмүс күһүн. Камчатка вулканнара эстибиттэрин курдук эстэ тураллар. Онон быйыл кыһыммыт ичигэс буолуо диэ сабаҕалыыбын. Балаҕан ыйын 22 күнүттэн 25 күнүгэр диэри Саха сирин киин улуустарыгар, илин эҥэргэ — хаардаах ардахтаах, сигирээн (сииктээх хаар). Түүн 1 кыраадыс күнүс 7-8 кыраадыс сылаас. Бүлүү эҥэр түүн 4 кыраадыс, күнүс 10 кыраадыс сылаас. Хоту улуустарга: Дьааҥыга түүн 0 кыраадыс, күнүс 4 кыраадыс сылаас. Халыма улуустарыгар: күнүс 2 кыраадыс тымныы, күнүс 7 кыраадыс сылаас. Өймөкөөҥҥө түүн 6 кыраадыс тымныы, күнүһүн 6 кыраадыс сылаас. Балаҕан ыйн 29 күнүттэн бу улууска тоҥоруоҕа, тымныйыаҕа. Тиксиигэ балаҕан ыйын 24 күнүгэр улахан буурҕа түһүөҕэ. Онон сэрэхтээх буолуҥ. Бу улууска – хаар да хаар.
Онон балаҕан ыйын 27 күнүгэр диэри улахан тымныы суох, сигирээн күннэр. Бу күн түүн 7 кыраадыска тиийэ тымныйыаҕа. Күнүс 5-6 кыраадыс сылаас.
