Режиссер, продюсер Дмитрий Шадрин снайпер Егор Петров туһунан художественнай киинэ оҥорорго былааннанан, Сунтаар улууһун Куокуну сиригэр кэлэн барда. Бу туһунан суруналыыс Мария Кобельянова иһитиннэрдэ, диэн Саха сирэ суруйар.
Егор Петров олорбут сиригэр, өтөҕөр сылдьан, аймахтарын, биир дойдулаахтарын кытта билистэ. Сиэнэ Антонина Кириллина Дмитрий Шадриҥҥа снайпер туһунан кинигэни, матырыйаалы туттарда. Онон, сунтаардар Кыайыы 80 сылыгар биир дойдулаахтара снайпер Е.Петров туһунан художественнай киинэ күн сирин көрөрүн эрэнэ кэтэһэллэр.
