Саха сирин көҥүл тустууга алта спортсмена истибэттэргэ Россия чемпионатыгар кыттарга бэлэмнэнэр. Хамаандаҕа спортивнай экипировкаларын туттардылар. Ол туһунан Саха сирин спортка сүүмэрдэммит хамаандаларын бэлэмниир киин ЯСИА-ҕа иһитиннэрдэ.
От ыйын 3 күнүгэр Валерий Керемясов аатынан № 3-дээх ДЮСШ тустар саалатыгар хамаанданы кытта көрсүһүү буолла.
Истибэттэргэ Россия чемпионата Тамбовка сарсыҥҥыттан саҕаланар, от ыйын 7 күнүгэр диэри салҕанан барыаҕа.
Саха сириттэн кытталлар Альберт Петров (57 кг), Егор Скрябин (61 кг), Евгений Мухамедзянов, Будимир Трофимов (65 кг), Андрей Винокуров (79 кг) уонна Валерий Чемпосов (92 кг). Хамаанданы кылаабынай тренер, Сурдлимпийскай оонньуулар кыайыылаахтара Василий Стрекаловскай салайар.
