1 Алтынньы 01.10
  • -1°
  • $ 55,3
  • 52,74

Саха сирин охчуттара «Азия оҕолоро» оонньууларга мэтээллэргэ тиксибэтилэр

Владивостокка «Динамо» стадиоҥҥа оҕунан ытыыга бөлөҕүнэн уонна туһунан күрэхтэһии буолан ааста. Хомойуох иһин, Саха сирин охчуттара финалга кыайан киирбэтилэр, ол иһин  мэтээл иһин киирсэр кыахтара суох, диэн СИА кэпсиир.

Оҕунан ытыыга Саха сирин сүүмэрдэммит хамаандатыгар Сунтаартан Мария Тараярова, Дьокуускайтан Алия Сон, Бүлүүттэн Али Лобашев уонна Эдьигээн Кыстатыамыттан Виталий Корякин киирбиттэрэ.

Бүгүн оҕолор 60 миэтэрэ дистанцияҕа ытыыга күрэхтэстилэр. Кинилэргэ күүстээх бөҕөстөр, спорт маастарыгар кандидаттар утарыластылар.

Андрей Сорокин түһэриилэрэ

Следите за самым важным и интересным в Telegram-канале и WhatsApp-группе ЯСИА
0
0