30 Кулун тутар 30.03
  • -16°
  • $ 92,37
  • 99,53

Бэҕэһээ Владивостокка VII Аан дойдутааҕы "Азия оҕолоро" оонньуулар түмүктэннилэр

Читайте нас на
Яндекс Новости
ЯДВ

Саха сирин баһылыга Айсен Николаев «Азия оҕолоро» оонньуулар сабыллыбыттарынан эҕэрдэтигэр, буолан ааспыт күрэхтэһии оҕо спордун, эйэ уонна доҕордоһуу бырааһынньыга буоларын бэлиэтээтэ диэн СИА иһитиннэрэр.

«Азия оҕолоро» VII Аан дойдутааҕы спортивнай оонньуулар түмүктэннилэр! Бу оҕо спордун, эйэ уонна доҕордоһуу дьиҥнээх бырааһынньыгынан буоллулар! Владивосток куорат күрэхтэһээччилэр өйдөрүгэр-санааларыгар өр сылларга күннээх күннэринэн, спордунан, муоранан хатанан хаалыаҕа. Оонньуулар тэрийээччилэригэр, кыттааччыларыгар уонна бэлэмнээчиилэригэр  үрдүк таһымнаах тэрээһиннэр иһин махтанабын», — диэтэ Саха сирин баһылыга.

Саха сирин сүүмэрдэммит хамаандата 12 кыһыл, 10 үрүҥ көмүс уонна 15 боруонса мэтээли ылла.

«Биһиги оҕолорбут улахан маладьыастар! Кинилэр норуоттар икки ардыларынааҕы түһүлгэҕэ Саха спордун дьоһуннаахтык көрдөрдүлэр. Бу күрэхтэһиигэ кыттыбыттара инники кыайыыларга олук буолуо диэн эрэнэбин! «Азия оҕолоро» оонньуу былааҕа Дьокуускай куоракка бэрилиннэ!  Аныгыскы оонньууларга көрсүөххэ диэри!» ,- диэн эбэн эттэ Айсен Николаев.

Андрей Сорокин түһэриилэрэ

Следите за самым важным и интересным в Telegram-канале и WhatsApp-группе ЯСИА