Саха сирин мадьынылара Европа чемпионатын элбэх мэтээлин аҕаллылар

Баһыйар үгүстэрэ сахалартан турар мас-рестлиҥҥэ Россия сүүмэрдэммит хамаандата бу өрөбүллэргэ Грузияҕа буолан ааспыт Европа чемпионатын «Кыһыл көмүс» мэтээлин барытын кэриэтэ ылла.

Батумитааҕы турнирга 24 спортсменнаах сүүмэрдэммит хамаанда тиийбитэ. Кинилэр 21 мэтээли, ол иһигэр уон кыһыл көмүс, алта үрүҥ көмүс уонна биэс боруонса мэтээли ыллылар.

«Уон араас дойдуттан барыта 80 спортсмен кытынна. Биһиги хамаандабыт улахан  ситиһиититтэн олус үөрдүбүт. Россия хамаандатын былаанын 90 бырыһыан толордубут. Хамаанданан бастакы миэстэни ыллыбыт», — диэн СИА-ҕа дойду хамаандатын кылаабынай тренерэ Николай Константинов эттэ.

Европа чөмпүйүөнүн аатын ыллылар: Евгений Удин, Михаил Ковалик, Семен Готовцев, Егор Баишев, Василий Алексеев, Анатолий Баишев, Сардана Осипова, Ирина Севрюк (бары Саха сириттэн), Кристина Кочесокова (Кабардино-Балкария) уонна Светлана Тихонова (Свердловскай уобалас).

125 кг үөһээ ыйааһыҥҥа эрэ сахалар «кыһыл көмүс» мэтээли ылбатылар. Томпо улууһуттан төрүттээх Сергей Фролкин боруонса мэтээли ылла. Манна Грузияттан Звиад Кайала кыайыылаах буолла, оттон «үрүҥ көмүс» мэтээли Москваттан Андрей Маркин кэттэ.

Россия дьахталлара педъестал үрдүк үктэлигэр түөрт төгүл таҕыстылар. Кинилэр ортолоругар Сардана Осипова уонна Ирина Севрюк бааллар. 75 кг диэри ыйааһыҥҥа Украина спортсмена Ольга Сукач кыайыылаах үрдүк аатын ылла.

Эр дьоҥҥо:

60 кг диэри ыйааһыҥҥа:

1 миэстэ — Евгений Удин (Россия- Саха сирэ);

2 миэстэ — Ариф Шахларов (Азейбарджан);

3 миэстэ — Сергей Черкашин (Россия- Саха сирэ);

3 миэстэ — Валерий Адамадзев (Грузия);

70 кг диэри:

1 миэстэ — Михаил Ковалик (Россия- Саха сирэ);

2 миэстэ — Карен Мартиросян (Армения);

3 миэстэ — Артур Орлов (Россия- Саха сирэ);

3 миэстэ — Хованнес Хованнисян (Армения);

80 кг диэри:

1 миэстэ — Семен Готовцев (Россия- Саха сирэ);

2 миэстэ — Семен Атаков (Россия- Саха сирэ);

3 миэстэ — Султан Агаев (Азейбарджан);

3 миэстэ — Беткили Ониана (Грузия);

90 кг диэри:

1 миэстэ — Егор Баишев (Россия- Саха сирэ);

2 миэстэ — Евгений Пиконин (Россия-Москва);

3 миэстэ — Гиорги Уришадзе (Грузия);

3 миэстэ — Сероб Жамкочян (Армения);

105 кг диэри:

1 миэстэ — Василий Алексеев (Россия- Саха сирэ);

2 миэстэ — Иван Захаров (Россия-Хабаровск);

3 миэстэ — Михайло Красилынец (Чехия);

3 миэстэ — Артем Хугоян (Армения);

125 кг диэри:

1 миэстэ — Анатолий Баишев (Россия- Саха сирэ);

2 миэстэ — Михаил Гоголев (Россия- Саха сирэ);

3 миэстэ — Давид Ягаизарян (Армения);

3 миэстэ — Генади Квиквилиани (Грузия)

125 кг диэри:

1 миэстэ — Кайала Звиад (Грузия);

2 миэстэ — Андрей Маркин (Россия-Москва);

3 миэстэ — Сергей Фролкин (Россия- Саха сирэ);

3 миэстэ — Абутис Антанас (Литва);

Дьахталлар:

55 кг диэри:

1 миэстэ — Сардана Осипова (Россия- Саха сирэ);

2 миэстэ — Алина Полченко (Украина);

3 миэстэ — Инга Чакветадзе (Грузия);

3 миэстэ — Олександра Шветс (Украина);

65 кг диэри:

1 миэстэ — Ирина Севрюк (Россия- Саха сирэ);

2 миэстэ — Екатерина Белолюбская (Россия- Саха сирэ);

3 миэстэ — Клавдия Виецорек (Польша);

3 миэстэ — Алла Закуссилова (Украина);

75 кг диэри:

1 миэстэ — Ольга Сукач (Украина);

2 миэстэ — Магдалена Таларзюк (Польша);

3 миэстэ — Яна Захарова (Россия- Саха сирэ);

3 миэстэ — Ти Кересилидзе (Грузия);

85 кг диэри:

1 миэстэ — Кристина Кочесокова (Россия-Кабардино-Балкария);

2 миэстэ — Мартина Оллеш (Германия);

3 миэстэ — Акулина Уарова (Россия-Саха сирэ);

3 миэстэ — Агнуежка Корыцка (Польша);

85 кг диэри:

1 миэстэ — Светлана Тихонова (Россия-Свердловскай уобалас).