29 Кулун тутар 29.03
  • -12°
  • $ 92,26
  • 99,71

Саха сирин күөллэригэр илиминэн, муҥханан балыктыыры көҥүллээтилэр  

14:10, 17 июля 2020
Текст:
Читайте нас на
Яндекс Новости
ЯДВ

Саха сирин 542 күөлүгэр илиминэн балыктыыр көҥүллэннэ. Санатар буоллахха, урут 28 эрэ учаастакка балыктанар көҥүллээҕэ. Бу туһунан айылҕа харыстабылын министиэристибэтэ иһитиннэрэр.


Быйыл «О любительском рыболовстве» диэн федеральнай сокуон ылыллан Илин Сибиир балыктаах сирдэригэр балыктыырга саҥа быраабылалар олохтоннулар.

Экология харыстабылын министиэристибэтин пресс-сулууспата иһитиннэрэринэн, Саха сиригэр 177 өрүс уонна 365 күөл учаастагар хатыыстан ураты балык атын көрүҥэр балыктааһын көҥүллэннэ. Күҥҥэ көҥүллэнэр балык ахсаанын куоһарбакка эрэ. Өрүс учаастактарын кыраныыссалара географическай координаталарынан  бэлиэтэнэн сылдьаллар. Саҥа быраабыла олоххо киириэн иннинэ маннык кыах арктика оройуоннарын 28 учаастагар уонна ойуччу сытар соболоох күөллэргэ баара.

Маныаха балыктыыр тэрилгитин – илимҥитин, муҥхаҕытын Росрыболовство Илин Сибиирдээҕи территориальнай управлениетыгар 677027, Дьокуускай к., Каландаришвили уул. 5, электроннай почта: harbour@ltufar.ru учуокка туруораҕыт.

Следите за самым важным и интересным в Telegram-канале и WhatsApp-группе ЯСИА