Биэдэмистибэ дааннайынан, бүгүҥҥү күҥҥэ 12 032 дуогабар төлөбүрэ суох туттууга оҥоһулунна. Чуолаан, 2449 учаастак бас билиигэ, 356 — арендаҕа. 4982 дуогабар көтүрүлүннэ.
Павел Багынанов бэлиэтээбитинэн, гектар саамай туттуллар хайысхата дьиэ тутуута, үс тыһыынчаттан тахса сир учаастага бэрилиннэ.
«Дьиэ тутуутугар 3199 сир учаастага, кэтэх хаһаайыстыба тутуутугар 1899 учаастак. Үһүс миэстэҕэ булт уонна балыктааһын – 837 сир учаастага. Туристары хааччыйыыга – 257 учаастак, 239 учаастак тыа хаһаайыстыбатыгар бэрилиннэ», – диэтэ миниистир.
Кини эппитинэн, быйыл сабыылаах сиэрэй зонаҕа нэһилиэнньэлээх пуун арыллара былааннанар. Бу инфраструктура тупсуутугар уонна регион олохтоохторугар саҥа кыахтары тэрийиигэ туһуланар.
Сиһилии https://ysia.ru/v-yakutii-podano-bolee-41-tysyachi-zayavok-na-dalnevostochnyj-gektar/
