18 От ыйа 18.07
  • 18°
  • $ 88,09
  • 96,3

Саха сиригэр судаарыстыбаннай тыллары сайыннарыы бырагырааматын үбүлээһини улаатыннарыахтара

11:06, 30 октября 2020
Текст:
Читайте нас на
Яндекс Новости
ЯДВ

Вице-премьер э.т. Сергей Местников алтынньы 29 күнүгэр «2020-2024 сылларга Саха сиригэр судаарыстыбаннай уонна официальнай тыллары харыстааһын уонна сайыннарыы» бырагырааматын тула «Кыым» хаһыат тэрийэн ыыппыт мунньаҕар кыттыыны ылла.


Сергей Местников бырагыраама былырыын ахсынньыга Ил Дархан көҕүлээһининэн ылыллыбытын санатта. Кини Татарстааҥҥа, Башкортостааҥҥа, Бурятияҕа, Тываҕа тыллары харыстааһыҥҥа сөптөөх үп көрүллэрин, Саха сиригэр көрүллэр үп биллэ улаатыан наадатын эттэ.

Маныаха вице-премьер боппуруоһу бырабыыталыстыба бэрэссэдээтэлин э.т. Андрей Тарасенко таһымыгар, норуот дьокутааттара кыттыылаах кэпсэтиини таһаарбытын, мунньах түмүгүнэн Андрей Тарасенко Ил Түмэҥҥэ туһаайан, бүддьүөтү иккис ааҕыыга көрөргө, бырагырааманы толору үбүлүүллэрин эппитин эттэ.

Сергей Местников оҕо ханнык тылынан үөрэниэн баҕарарын хааччыйыы бүгүҥҥү күн соруга буоларын эттэ. Билигин өрөспүүбүлүкэ оскуолаларын 56 бырыһыана ити усулуобуйаны тэрийэр кыахтаахтар. Маныаха улахан үлэ барыан наадатын вице-премьер эттэ.

Судаарыстыбаннай уонна официальнай тыллары сайыннарар туһуттан Сергей Местников, бастатан туран, научнай үлэлэри туһанары, тэрилтэлэр ааттарын, географическай бэлиэлэри сахалыы суруйар наадатын эттэ.

Следите за самым важным и интересным в Telegram-канале и WhatsApp-группе ЯСИА