24 От ыйа 24.07
  • 17°
  • $ 87,3
  • 95,46

Саха сиригэр өрүстэр эрдэ устуох курдуктар

Читайте нас на
Яндекс Новости
ЯДВ

Саха сиригэр өрүстэр 1-4 хонугунан  эрдэ усталлара күүтүллэр.  Билигин биллэринэн, Хаҥалас оройуонугар уонна Дьокуускайга ыам ыйын 13-16 күннэригэр муус барыах курдук. Бу туһунан Саха сиринээҕи МЧС пресс-сулууспата иһитиннэрдэ.

Ыам ыйын 4 күнүнээҕи туругунан, Өлүөнэ өрүс Аллараа кырыыта 420 км үөһэ Иркутскай уобаласка Змеиново Киренскэй нэһилиэгиттэн таһыгар хамсаан саҕалаабыт. Өлүөнэ, Алдан уонна кинилэр учаастактарын былаһын тухары уу таһыма 1-тэн 10 см диэки күннэтэ үрдүү турар, сорох сиринэн уу муус үрдүнэн сытар. Хоту уонна хотугулуу-илин өрүстэргэ билигин даҕаны кыһыҥҥылыы курдук.

Саха сиринээҕи гидрометеосулууспа дьаһалтата, Ленскэй уонна Өлүөхүмэ улуустарыгар Өлүөнэ өрүс ыам ыйын 4-13 күннэригэр, Хаҥалас улууһугар уонна Дьокуускайга ыам ыйын 13-16 күннэригэр, Кэбээйи улууһугар ыам ыйын 17-19 күннэригэр, оттон өрүс тамахтарыгар ыам ыйын бүтүүтэ муус хамсааһына күүтүллэр, диэн сабаҕалыыр.

Ыам ыйын иккис декадатын устатыгар Алдан, Бүлүү уонна Аллараа Халыма өрүстэрэ арыллыахтара, ити 1-3 хонугунан нуорматтан эрдэ. Саха сирин хоту уонна хотугулуу-илин өрүстэригэр муус ыам ыйын үһүс декадатыгар эбэтэр бэс ыйын саҥатыгар устара күүтүллэр.

Бэлиэтээн эттэххэ, сааскы халаан куттала суох ааһыытын тоҕус оперативнай бөлөхтөр икки ардыларынааҕы биэдэмистибэлэрэ хааччыйыахтара. Өлүөнэ, Алдан, Бүлүү, Амма, Халыма, Индигир уонна Дьааҥы өрүстэр сүрүн кутталлаах сирдэригэр быыһааччылар, гидрологтар, дэлби тэптэрээччилэр, судаарыстыбыннай былаас боломуочуйалаах уорганнарын бэрэстэбиитэллэрэ үлэлиэхтэрэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар