13 От ыйа 13.07
  • 23°
  • $ 87,74
  • 95,76

Саха сиригэр паромунан сырыыны уһаттылар

Читайте нас на
Яндекс Новости
ЯДВ

Сылаас күннэр тураннар Саха сиригэр паром сырыытын уһаттылар, диэн өрөспүүбүлүкэ Тырааныспарга министиэристибэтэ иһитиннэрдэ. Эрдэ паром сырыыта барыта алтынньы 18 күнүгэр диэри сабыллара былааннаммыта.

Ол курдук, Дьокуускай—Аллараа Бэстээх хайысханан паром сырыытын тохтооһунун алтынньы 25-27 күннэригэр көһөрдүлэр. Билигин бу маршрутунан 12 суудуна сылдьар. Бүлүү өрүскэ түөрт переправа салгыы үлэлиир.

Намыһах температура туран уонна мууһуран оптуорунньукка, алтынньы 18 күнүгэр Алдан өрүс переправаларын үлэтин тохтотор былааннаахтар.

Уопсайынан, Өлүөнэ өрүһүнэн сырыы Уус-Кут бөһүөлэгэр диэри учаастакка үлэлиир. Витим өрүс тардыытыттан Дьокуускай куоракка диэри учаастагы сабыы алтынньы 18 күнүгэр, оттон Осетровскайтан Витимҥэ диэри уунан сырыыны – алтынньы 22 күнүгэр диэри сабаллара былааннанар.

Дьокуускай-Аллараа Бэстээх хайысханан паром сырыыта тохтообутун кэннэ Жатай-Төхтүүр маршрутунан Өлүөнэ өрүһү туоруур паром сырыыта ыарахан баржанан салҕаныаҕа, баржаны ледокол арыаллыаҕа.

Следите за самым важным и интересным в Telegram-канале и WhatsApp-группе ЯСИА