Мииринэй куорат олохтооҕо итирик туруктаах сылдьан түөрт этээстээх дьиэ балконуттан ыт оҕотун бырахпыт. Ыт тута өлбүт. Кыылга-сүөлгэ кырыктаах сыһыан чахчытынан холуобунай дьыала тэрилиннэ.
Биллибитэ, эр киһи түбэлтэ буолуо икки күн иннинэ үс нэдиэлэлээх орто азиатскай овчарка оҕотун ылбыт. Ыт оҕото улуйан эр киһи сынньанарыгар мэһэйдээбит, онон кини кыыһырбыт уонна түөрт этээстээх дьиэ балконуттан ыты сиргэ бырахпыт.
Ветеринарнай суут экспертизата ыт өлүүтүн биричиинэтэ үөһэттэн түһүү түмүгэр төбө-мэйии эчэйиититтэн диэн көрдөрбүт.
Мииринэй оройуонугар Арассыыйа ИДЬМ- тын дознавателэ холуобунай дьыала тэрийбит. Силиэстийэ бара турар.
