«Волонтеры Победы» уопсастыбаннай хамсааһын 2015 сыллаахха дойду президиэнэ Владимир Путин көҕүлээһининэн тэриллибитэ. Бүгүн Россия хас биирдии субъегар регионнааҕы отделениелар үлэлииллэр, ол иһигэр Саха сиригэр эмиэ.
«Кыайыы волонтердарын сүрүн миссиялара — гражданскай-патриотическай иитии уонна история өйдөбүлүн харыстааһын. Маны сэргэ, Кыайыы Волонтердара хас да хайысханан үлэлииллэр: Аҕа дойду улуу сэриитин кыттыылаахтарыгар уонна тыыл бэтэрээннэригэр көмөлөһөллөр, өйдөбүнньүк миэстэлэри уонна буойуттар көмүллүбүт сирдэрин харыстаан тутууга кыттыһаллар, история уонна патриотизм аахсыйалары тэрийэллэр-ыытыһыллар, ол иһигэр «Письмо Победы», «Георгиевская лента», «Окна Победы», «Сад памяти» дьаһаллар буолаллар.
Кыайыы күнүгэр анаммыт тэрээһиннэри ыытыыга көмөлөһөллөр, «Өлбөт үөстээх полк» сэлэлии хаамыыга, волонтердар арыаллааһыннарын хааччыйаллар», – диэтэ бырабыыталыстыба бэрэссэдээтэлин солбуйааччы Ольга Балабкина.
Пуорум кыттыылаахтарыгар Кыайыы 80 сылыгар анаммыт норуоттар ардыларынааҕы волонтердар куорпустарын миссиятын кэпсиэхтэрэ, «Основы добровольчества» сессия ыытылыаҕа.
Регионнааҕы отделение бэрэссэдээтэлин э.т. Тимур Егоров бэлиэтээбитинэн, Кыайыы волонтердарын инструментарийдарын ырытыыһыы буолуоҕа. «Исторический минимум» былаһааккаҕа Аҕа дойду улуу сэриитин историятын туһунан бэсиэдэлэр, лекциялар буолуохтара. «Речь, которая захватывает» былаһааккаҕа бэйэ санаатын этинэргэ, дьону кытта кэпсэтиини үөрэтиэхтэрэ. Бастакы медицина көмөтүн оҥорууга эмиэ туспа бырагыраама үлэлиэҕэ.
