17 От ыйа 17.07
  • 20°
  • $ 88,28
  • 96,26

Саха сиригэр Доруобуйа харыстабылын министиэристибэтэ: Бороҕоҥҥо түспүт силлиэ тыал кэннэ ыарахан эчэйиилээх киһи суох

Читайте нас на
Яндекс Новости
ЯДВ

Бороҕон стадионугар түспүт буурҕа түмүгүнэн ыарахан эчэйиини ылбыт киһи суох. Эмсэҕэлээбиттэргэ барыларыгар медицинскэй көмө оҥоһуллар, бу туһунан Саха сирин доруобуйа харыстабылын миниистирин солбуйааччы Любовь Бурнашева иһитиннэрдэ, диэн СИА кэпсиир.

«Бороҕон стадионугар күүстээх тыал түмүгэр 14 киһи эмсэҕэлээтэ, кинилэри барыларын тута балыыһаҕа аҕалбыттара. Кинилэр ортолоругар үс оҕо: икки 14 саастаах, биир 17 саастаах. Эмсэҕэлээбит дьон туруктара орто курдук сыаналанар. Өйүн сүтэрбит киһи суох. Билиҥҥи кэмҥэ диагностическай чинчийиилэр ыытыллаллар. Ыарахан туруктаахтар уонна өлбүт дьон суохтар», — диэтэ миниистири солбуйааччы.

Чуолкайдаммыт иһитиннэриинэн 18 киһи эмсэҕэлээтэ.

«Эмсэҕэлээбиттэргэ сөптөөх көмөнү оҥорорго, ону тэҥэ айылҕа алдьархайын туоратарга наадалаах дьаһаллары ыларга сорудахтаатым», — диэн бэйэтин телеграмм-канаалыгар Саха сирин баһылыга Айсен Николаев иһитиннэрдэ.

Следите за самым важным и интересным в Telegram-канале и WhatsApp-группе ЯСИА