Сахалыы таба суруйарга, хомоҕойдук саҥарарга үөрэтэр «Саха этигэн тыла» саҥа ханаал бастакы биэриитэ таҕыста. Бу биэрииттэн сахалыы сурук-бичик үөскээһинин, сайдан кэлбит кэрдиис кэмнэрин туһунан билиэххит. СИА «Сир түннүгэ» түһүмэҕэр бэчээттиибит.
Тыл тутуутун олохтуур уустук үлэҕэ саха бастакы үөрэхтээхтэрин үтүөлэрэ муҥура суох. Маныаха А.Е. Кулаковскай, П.А. Ойуунускай, Г.В. Баишев, С.А. Новгородов курдук, о.д.а. чулуу дьоммут ааттарын ааттыахха сөп.
«Тыл чэчирии сайдар бэлиитикэтэ олоххо киирэригэр П.А. Ойуунускай 1926 с. диэри өрөспүүбүлүкэ салалтатын баһылыга, норуот өйүн-санаатын чулуута, өссө тыыннааҕар номоххо киирбит ааттаах-суоллаах, сүдү аптарытыаттаах киһи буолара сабыдыаллаабыта. Терминология, алпаабыт уонна арпагыраапыйа боппуруостарыгар хайдыһыы баара. Бу биэрииттэн саха суруга-бичигэ хайдах үөскээн, ханнык моһоллору көрсөн, олохтонон тиийэн кэлбитин туһунан билиэххит«, — диэтэ түһүмэҕи салайан ыытааччы Ангелина Кузьмина.
Сигэтэ: https://youtu.be/Iq-oEE65lv8
