3 От ыйа 03.07
  • -7°
  • $ 104,68
  • 115,6

"Сир түннүгэ": Норуот ырыатыгар уһуйуу, хомуска сыыйа тардыы ньымата

13:28, 19 марта 2021
Текст:

СИА «Сир түннүгэ» түһүлгэтин салгыыр. Саха киһитэ оһоҕун иннигэр олордо да – олоҥхоһут, оҕуһун мииннэ да ырыаһыт. Норуот ырыаларын айанньыттартан, нуучча политсыылынайдарыттан саҕалаан үөрэтэн барбыттара. Бу туһунан «Саха суола» ютуб-ханаалга саҥа биэрии таҕыста.


«Норуот ырыаларын элбэх көрүҥэ кэлин сүттэ. Ити эрээри сиэр-туом оҥоһулларыгар ылланар ырыалар бааллар. Бүгүҥҥү таһаарыыга саха ырыатын көрүҥнэрин, хайдах толорулларын билиэххит«, — диэн суруйар СИА-ҕа тыл билимин хандьыдаата Ангелина Кузьмина.

Норуот ырыаларын ыллыырга тугу сатыахтаахпытый, куолаһы оонньотуу кистэлэҥнэрэ туохханый? СӨ үөрэҕириитин уонна култууратын туйгуна, олоҥхо оскуолата бырайыак ааптара, биллэр ырыаһыт, этээччи Айталина Мойтохонова-Сахаайта сахалыы норуот ырыаларын көрүҥнэрин кэпсиирин уонна хайдах толоруохха сөбүн үөрэтэрин көрүөххүт.

Саханы аар-саарга аатырдыбыт дьүрүһүйэр хомуһу тардарга үөрэниэххитин баҕараҕыт? Оччоҕо бу биэрииттэн элбэххэ үөрэниэххит, айар-тутар алыптаах эйгэҕэ кынат анньыныаххыт. Бүлүүлүү сыыйа тардыы уратытын, хайдах тардылларын СӨ үтүөлээх үлэһитэ, Бүлүү улууһун бочуоттаах олохтооҕо, хомусчут Августина Евсеева үөрэтиитин көрүҥ.

Биэриини бэлэмнээтэ тыл билимин хандьыдаата Ангелина Кузьмина.

Сигэтэ https://youtu.be/TbrAaisn-fA

#сахалыы#норуотырыата.

Следите за самым важным и интересным в Telegram-канале и WhatsApp-группе ЯСИА
0
0