29 Кулун тутар 29.03
  • -12°
  • $ 92,26
  • 99,71

Саха АССР 100 сылыгар анаан гаас оттуктаах массыыналар уһун айаҥҥа турунуохтара

Читайте нас на
Яндекс Новости
ЯДВ

Саха АССР 100 сылыгар аналлаах Иккис бүтүн Арассыыйатааҕы «Москваттан Владивостокка» диэн массыынаанан айан буолуоҕа, тэрээһини 2022 сыл иккис аҥарыгар күһүөрү оҥорор былааннаахтар. Ол туһунан Саха сирин бырамыысаланнаска уонна геологияҕа миниистирэ Максим Терещенко бөдөҥ бырамыысаланнай хампаанньалары кытта сүбэ мунньахха иһитиннэрдэ, диэн биэдэмистибэ пресс-сулууспата кэпсиир.

«Биһиэхэ гааһынан айанныыр массыыналар уһун айаннарын тэрийэр уопут баар, былырыын 21 региоҥҥа тиийбиппит. «Питертэн Мииринэйгэ» диэн айан баар этэ. Билигин биһиги дьоһуннаах соругу туруорунабыт, иккис айаммыт дойду 25 регионун сиригэр- уотугар ыытыллыаҕа. Саҥа маршрут ону тэҥэ саҥа кыттааччылар буолуохтара. Тэрээһин олоччу Саха АССР 100 сылыгар ананара былааннанар. Сүүрүү сүрүн сыала – айылҕа гааһын мотуор уматыгын быһыытынан көдьүүстээҕин уонна барыһын көрдөрүү», — диэн миниистир иһитиннэрдэ.

Кини бу айан өрөспүүбүлүкэ үрдүнэн саамай уһун буоларын бэлиэтээтэ, тоҕо диэтэххэ, РФ 25 регионун уонна дойду 40-тэн тахса нэһилиэнньэлээх пуунун түмүөҕэ диэн быһаарда. Айаны Москваттан саҕалыахтара уонна Владивосток куоракка түмүктүөхтэрэ. Маны таһынан, массыыналар Саха сирин эмиэ таарыйыахтара.

Следите за самым важным и интересным в Telegram-канале и WhatsApp-группе ЯСИА