Партизан нэһилиэгин библиотеката Саха АССР төрүттэммитэ 100 сылынан, «Үөрэх баар, бараммат баай» диэн туран, балаҕан ыйын 22 күнүттэн алтынньы 22 күнүгэр диэри «Сүүс саҥа кинигэ» акцияҕа кыттарга ыҥырар.
Бастакы кинигэлэри олохтоох дьаһалта бэлэх уунна. Ол курдук, нэһилиэк баһылыга А. Зырянов «Трудовая Слава Якутии», «Книга Памяти», «Гражданин. Политик. Государственник» Е.М. Ларионов олоҕун, үлэтин кэпсиир, «Люди. События. Достижения», «Саха сирин дьонун өлбөт-сүппэт хорсун быһыыта» диэн кинигэлэри туттарда.
Үтүө-мааны дьоммут туора турбакка, олохтоох модельнай библиотекаҕа сэмэй кылааккытын киллэрэн, үйэҕэ биирдэ бэриллэр акцияҕа кыттыһан үтүө санаа үтүмэнин оҥоруоххут диэн эрэнэбит.
Полина Скрябина, Эҥсиэли
