20 Атырдьах ыйа 20.08
  • 13°
  • $ 59,13
  • 59,39

Саха артыыстара оонньообут «Угрюм-река» сериаллара таҕыста

13:01, 10 марта 2021
Текст:

Бэҕэһээ Бастакы ханаалга Вячеслав Шишков романынан 16-сериялаах «Угрюм-река» сериал таҕыста. Манна Саха тыйаатырын артыыстара Михаил Апросимов уонна Тамара Обутова оонньууллар.


XIX үйэ бүтүүтүнээҕи кэмҥэ Громовтар дьиэ кэргэттэрин сэһэргиир киинэҕэ сүрүн оруолу Александр Балуев, уолун — Александр Горбатов оонньууллар. Маны таһынан Юлия Пересильд, Софья Эрнст, Борис Каморзин уо д.а. уһуллубуттар. Тамара Обутова киинэҕэ Джульбо оруолун толорор, оттон Михаил АпросимовДжугданы.

«Мин ааспыт үйэ 60-с сылларыгар уһуллубут киинэни көрбүтүм. Онон киинэ аныгы көрүҥэр уһуллуум миэхэ чиэс», — диэтэ Тамара СИАҕа.

Кини Михаиллыын киинэ уһуллар былаһааккатыгар бэйэ-бэйэлэрин көрсүбэтэхтэрин кэпсээтэ. Киинэ 2019 сыл от ыйыгар уһуллан саҕаламмыт.

«Сериалга анаан кыра дэриэбинэ тутуллубут этэ. Онно XIX үйэ бүтүүтүнээҕи кэм ымпыгар-чымпыгар тиийэ толкуйданан оҥоһуллубут буолан үлэлииргэ дьикти, сонун этэ. Улахан бырайыак тэрээһинэ чуолкай буолан үлэлииргэ үчүгэй буолар», — диэтэ Обутова.

Следите за самым важным и интересным в Telegram-канале и WhatsApp-группе ЯСИА
0
0