Сааскылаахха саҥа маҕаһыыны арылынна. Н.Е. Андросов аатынан олохтоох бородууксуйаны оҥорон таһаарыынан дьарыктанар тэрилтэ эбийиэги оҥорон-тутан үлэҕэ киллэрдэ.
Анаабыр улууһун киинигэр, төһө да халлаан тымныйдар, саҥа маҕаһыын арыллыытыгар дьон муһунна.
Манна удамыр сыаналаах ас-үөл толору тардыллыбыт. Тэрилтэ эти-балыгы астыыр сыаҕын бородууксуйата: ыыһаммыт этэ, балыга, халбаһыта хото тэлгэммит.
Билигин Красноярскай куораттан норуокка биллэринэн «күөх рейс» аһа-үөлэ кэлэрэ күүтүллэр.
